ﺯﻧﺪﮔﯽ!ﮨﻢ ﺗﺮﯼ ﺩﮨﻠﯿﺰ ﭘﮧ ﺁﺑﯿﭩﮭﮯ ﮨﯿﮟ
ﺯﻧﺪﮔﯽ!ﮨﻢ ﺗﺮﯼ ﺩﮨﻠﯿﺰ ﭘﮧ ﺁﺑﯿﭩﮭﮯ ﮨﯿﮟ
ﮨﺎﺗﮫ ﻣﯿﮟ ﮐﺎﺳۂ ﺗﺪﺑﯿﺮ ﮨﮯ
ﺁﻧﮑﮭﻮﮞ ﻣﯿﮟ ﮐﺴﯽ ﻣﻮﺳﻢِ ﮔﻞ ﺭﻧﮓ ﮐﯽ
ﺧﻮﺍﮨﺶ ﮨﮯ
ﻟﺒﻮﮞ ﭘﺮ ﺗﺮﮮ ﺑﮯ ﻣﮩﺮﺯﻣﺎﻧﻮﮞ ﮐﮯ ﻟﯿﮯ ﺷﮑﻮﮮ
ﮨﯿﮟ ،
ﺯﻧﺪﮔﯽ ﮨﻢ ﺗﺮﯼ ﺩﮨﻠﯿﺰ ﭘﮧ ﺁﺑﯿﭩﮭﮯ ﮨﯿﮟ
ﺍﮎ ﺫﺭﺍ ﺩﯾﮑﮫ
ﮐﮧ ﮨﻢ ﻧﺮﻡ ﻣﺰﺍﺟﻮﮞ ﮐﮯ ﻟﯿﮯ
ﮐﻮﻥ ﺳﯽ ﺭﺍﺕ ﮨﮯ ﺟﺲ ﺭﺍﺕ ﮐﮯ ﺁﻧﭽﻞ ﻣﯿﮟ
ﮨﻮﺍ
ﺧﻮﺍﺏ ﮐﻮ ﺁﺋﯿﻨﮧ ﺧﻮﺍﺏ ﻣﯿﮟ ﺳﺮ ﮐﺮﺗﯽ ﮨﮯ
ﮐﻮﻥ ﺳﺎ ﺩﻥ ﮨﮯ ﮐﮧ ﺟﺲ ﺩﻥ ﮐﺎ ﻇﮩﻮﺭ
ﺣﺮﻑِ ﺩﻝ ﮐﮯ ﻟﯿﮯ ﺻﺤﺮﺍﺋﮯ ﺗﻤﻨّﺎ ﮐﺎ ﺳﻔﺮ ﮐﺮﺗﺎ
ﮨﮯ
ﺍﮎ ﺗﺮﮮ ﻟﻤﺲ ﮐﯽ ﺧﺎﻃﺮ ﮨﻢ ﻧﮯ
ﺧﯿﻤۂ ﺩﻝ ﻣﯿﮟ ﺟﻼﺋﮯ ﺗﺮﮮ ’’ﮨﻮﻧﮯ‘‘ ﮐﮯ ﭼﺮﺍﻍ
ﮨﺎﮞ ﻣﮕﺮ ﮐﻮﺋﯽ ﺳﺮﺍﻍ
ﺗﯿﺮﯼ ﺁﮨﭧ،ﺗﯿﺮﯼ ﺁﻭﺍﺯ، ﻗﺪﻭﻗﺎﻣﺖ ﻭﺧﻮﺷﺒﻮ ﮐﺎ
ﺳﺮﺍﻍ
ﺍﮎ ﺫﺭﺍ ﺩﯾﮑﮫ! ﮐﮩﺎﮞ ﮨﻢ ﮨﯿﮟ ﮐﮩﺎﮞ ﺗﯿﺮﮮ
ﭼﺮﺍﻍ
ﺟﺎﮞ ﺑﮧ ﻟﺐ ﮨﯿﮟ
ﻣﮕﺮ ﺍﮎ ﺣﺮﻑ ﺗﺴﻠﯽ ﮐﮯ ﻟﯿﮯ
ﺯﻧﺪﮔﯽ ﮨﻢ ﺗﯿﺮﯼ ﺩﮨﻠﯿﺰ ﭘﮧ ﺁﺑﯿﭩﮭﮯ ﮨﯿﮟ
No comments:
Post a Comment